गहिराइ चुमेँ लाग्छ, तिमी खुल्दै खुल्दै जान्छौ
अरु झर्छन् फुलेपछी, तिमी फुल्दै फुल्दै जान्छौ
होलान् दु:ख तिम्रा पनि, मुटुभित्र चोट होलान्
मलाई सम्झिएर शायद बाँकी भुल्दै-भुल्दै जान्छौ
कति-कती सीमा टुटे, कती बन्धन फुटे
अजम्बरी तिम्रो नाता तिमी घुल्दै-घुल्दै जान्छौ
हिजोसम्म बन्द ढोका खुलाएर तरङ्गमा
तनदेखी मनसम्म तिमी डुल्दै-डुल्दै जान्छौ।
No comments:
Post a Comment